Napasakaan na sang kaso ang Indian National nga driver sang pula nga Toyota Innova nga nag-arado sa mga nagprusisyon sang Biyernes Santo sa Barangay Alangilan Bacolod City.
Sa interview sang Bombo Radyo kay Police Lt. Col. Ramel Sarona, pinuno sang Traffic Enforcement Unit sang Bacolod City Police Station, may yara sang witness nga naghambal nga ang nadakpan nga si Jagpret Shingh, 37 anyos kag residente sang B133, Lot.89, Buena Park Subd., Brgy. Villamonte, Bacolod City, amo ang driver sang salakyan.
Suno diri, 17 tanan ang nagfile sang complaint batok sa driver bangod halos tanan nga biktima ang luyag nga pasakaan sang kaso ang driver.
Dugang pa sini, mapyansa pa kun tani si Shingh apang wala nadayon.
Ginpasakaan sang kaso si Shingh nga reckless imprudence resulting to multiple homicide, multiple physical injuries, damage to property kag kag RA 10586 ukon Anti-Drunk and Drugged Driving Act of 2013.
