Generally peaceful ang pagbantay sang Negros Occidental Police Provincial Office sa Semana Santa, kag magapadayun pa ang pagbantay para sa Summer Vacation 2025.
Sa interview sang Bombo Radyo Bacolod kay NOCPPO Spokesperson Police Captain Judesses Catalogo, masami nga dungan ang security implementation plan para sa Holy Week kag Ligtas SumVac.
Pahayag sini nga sila ang nagbantay halin sang Domingo de Ramos tubtob Domingo de Paskwa, kag isa sa ginbantayan ang influx sang mga byahero.
May-ara man nga mga insidente nga nagkalahitabo, ini ang padayun man nga gina-imbestigaran kag may pila ka mga suspects nga mapasakaan na sang kaso.
Apisar nga natapos na ang Holy Week, magapabilin gihapon ang ginahamtang nga police assistance desk kag padayun man ang police visibility.
Suno kay Catalogo, matapos ang Semana Santa, madamo na sang mga nagakadto sang mga inland kag beach resort.
Nagakoordinar man ang kapulisan sa mga local government units nga may mga area nga masami ginabisitahan sang mga nagabakasyon.
Pasalig ni Catalogo nga magapadayun ang ila monitoring sa mga sea ports kag terminals.
Kadungan sa mga pagbantay, padayun man ang mga aktibidad sang NOCPPO batok illegal drugs, illegal gambling kag pagdakop sang mga wanted persons.
