Argentinian soccer team nga San Lorenzo de Almagro, nagakalisod sa pagtaliwan sang ila anay miyembro nga si Pope Francis

Tuman ang kasubo nga nabatyagan sang Argentine soccer team nga San Lorenzo de Almagro bangud sa pagtaliwan ni Pope Francis.

Suno sa team wala nagbag-o ang suporta ni Pope Francis sa team humalin sang isa pa lang ini ka simple nga Jorge Mario Bergoglio tubtob nga nangin Santo Papa.

Ang Santo Papa ang kilala nga mahuyugon sa sport nga soccer kun sa diin nauyatan pa sini ang jersey sang pungsod kun sa diin ini ginbun-ag ang Argentina.

Ang 88-anyos nga Santo Papa ang miyembro sang nasambit nga team kun sa diin may yara man ini sang ID card nga nagapamatuod sa iya nga pagkaaktibo nga miyembro.