Nagbisita si Vice President Sara Duterte kahapon sa banwa sang La Castellana, Negros Occidental apang antes pa man nakaabot sa banwa ginbisitahan anay sini ang Canlaon City, Negros Oriental kag ciudad sang La Carlota, Negros Occidental.
Ginlantaw sini ang sitwasyon sang mga evacuees bangud sa paglupok sang Bulkan Kanlaon.
Nagpanagtag man ini sang 25 kilos nga bugas sa kada pamilya kag emergency hygiene kit.
Nagdangat sa 2,500 ka sako nga tag 25 kilos nga bugas ang napanagtag sa kada pamilya.
Sa interview kay Vice President Sara Duterte, importante nga pirme nakahanda ang tanan para sa bisan ano nga kalamidad ilabi na kun may lugar bangud ang Pilipinas ang kilala nga prone disaster nga pungsod.
Gani may yara ang tanan nga mga Local Government Unit sang automatic appropriation sang disaster fund kag ini ang una nga ginabutangan sang pondo bangud ang pungsod ang prone sa mga kalamidad indi lang sa bagyo, baha, landslide kundi kalakip na diri ang paglupok sang Bulkan.
Kalakip man sa programa sang bise presidente ang pagluto sang mga ini sang hot meals para sa mga evacuees.
Nalakip man ang programa nga Magnegosyo Ta Day Program agud nga mahatagan sang livelihood ang mga residente samtang nagapabilin sa evacuation centers.
Samtang pabor man ang bise presidente sa ginahingyo ni La Castellana Mayor Rhumyla Nicor Mangilimutan nga sabaylo nga ang kwarta ang gamiton sa paghatag sang ayuda sa mga evacuees gamiton nalang ini sa pagbakal sang permanent relocation site sang mga evacuees.
Samtang, sa kaadlawan sini magabalik siya sa The Hague, Netherlands agud liwat nga bisitahon ang iya amay nga si Former President Rodrigo Duterte.
