Ginpahayag sang kongresista sa Lone District sang Bacolod kag nagapapili nga alkalde sa 2025 midterm elections nga ang survey ang isa ka giya agud nga himuon sang mga ini ang dapat himuon scientifically.
Sa interview sang Bombo Radyo Bacolod kay Bacolod City Lone District Congressman Greg Gasataya, ang survey resulta nagapakita lamang sang mataas nga pagsalig sang mga pumuluyo sa ila.
Suno kay Gasataya magapadayon lamang sila sa paghimo sang ila mga ulubrahon sa pihak sang pagsaka sang mga numero sang propaganda kag mga pagpang-atake sa ila.
Suno diri sa kampanya ginplastar sini ang ila nga mga nahimo na kag kun ano pa ang dapat himuon agud nga mabuligan ang mga pumuluyo sa ciudad sang Bacolod.
Dugang pa sini nga ang kampanya ang ginakabig niya nga palaagyan agud makita kun kamusta ang pagtrabaho sini, paano nakabulig ang iya mga programa kag ano pa ang himuon agud nga makabulig sa mga pumuluyo.
Pahanumdom sini nga sa nagahilapit nga piniliay nagadamo na ang mga trolls kag black propaganda gani dapat nga ivalidate gid ang tanan nga impormasyon nga madawat antes nga patihan.
Kahapon nagpagwa si Bacolod City Mayor Alfredo Benitez sang trust ratings kun sa diin mataas ang para sa Team Asenso.
