Mutual beneficial trade arrangements sa tunga sang Pilipinas kag America, ginapatihan nga mapatuman sa pihak sang bag-o nga tariff policy sang US government

Dako ang pagpati ni Special Assistant to the President for Investment and Economic Affairs (SAPIEA) Secretary Frederick Go nga mapatuman ang mutual beneficial trade arrangements sa tunga sang Maynila kag Washington D.C. sa karun nga may yara sang bag-o nga tariff policy ang US government.

Siya ang natalana nga magpadulong sa Estados Unidos para sa tariff dialogue apang sa karun wala pa sang opsiyal nga petsa kun san-o ang lakat sini.

Suno kay Go, nagapati ini nga paagi sa mabakod nga economic kag diplomatic ties sang duha ka pungsod may yara sang mahimo nga mga mutual arrangements.