Natigayon nga mafile ang kaso sa suspect sa shooting incident nga nagluntad sa Hacienda Edmar, Barangay Felisa, Bacolod City sang Abril 20 sang gab-i.
Sa interview sang Bombo Radyo Bacolod kay Police Captain Glen Montaño, station commander sang Bacolod Police Station 10, ginpasakaan na sang kaso nga frustrated homicide si Jason Hilado 20 anyos kag residente sang Hacienda Edmar, Barangay Felisa samtang ang biktima si Alyas Jun Jun 15 anyos kag residente sang Purok Paraiso, Barangay Mansilingan, Bacolod City.
Natabo ang insidente bangud man ang biktima kag ang suspek ang may yara sang grupo kag naglagaw sa nasambit nga lugar.
May yara sang pagsinuay sa tunga sang duha ka grupo kag nagluntad ang komosyon kun sa diin hinali lamang gintiro sang suspek ang biktima sang sulpak.
Kibyas lamang sa likod ang naagom sang biktima kag nakagwa naman sa ospital.
Ang suspek ang nagpalagyo sa norte nga bahin sang ciudad.
Natigayon nga mapasaka ang kaso nga attempted murder batok kay Hilado matapos nga matipon sang mga ini ang nagakaigo nga papeles sa pagpasaka sang kaso.
