-- ADVERTISEMENT --
Nagapati si US President Donald Trump nga preparado si Ukrainian President Volodymyr Zelensky nga i-concede ang Crimea sa Russia bilang kabahin sang maskin ano nga ceasefire deal samtang nagdangat na sa critical week ang paghinun-anon natuhoy sa isa ka truce.
Ginpahayag man ni Trump nga dapat mag-untat na sa pagshoot si Russia President Vladimir Putin kag magperma sang isa ka agreement agud matapos ang gyera nga nagsugod sang gin-invade sang Moscow ang Ukraine ang Pebrero 2022.
Ini ang ginpahayag ni Trump matapos sini makahinun-anon si Zelensky sa lubong ni Pope Francis.
Sa ila paghinun-anon sa Vatican, ila man nadiskusyunan ang kapalaran sang Black Sea peninsula, nga gin-anex sang Moscow sang 2014.
