Ginapahanumdom ni 3rd ID Public Affairs Office Chief Col. Erwin Rommel Lamzon sa mga pamatan-on nga pilion ang mga ginaintrahan nga mga organisasyon.
Ini ang pahanumdom sang Philippine Army matapos nga sa pito nga napatay sa nagluntad nga engkwentro sa ciudad sang Kabankalan, nalakip diri ang alumna sang BA Communication program sa University of the Philippines Cebu nga si Jhon Isidor Supelanas ukon mas kilala nga si Dee ukon Dalia nga nangin political instructor sa NPA.
Sa interview sang Bombo Radyo kay Lamzon, ulihi na nila nahibaluan nga taga-Cebu si Supelanas kag siya ang isa ka transwoman.
Suno diri, sadto may isa man ka insidente kun sa diin ang isa ka babayi nakagradwar bilang law student kag nakapasar sa bar exam ang nagsulod sa NPA apang siya ang napatay sa nagluntad nga engkwentro sa Bohol.
Pahayag ni Lamzon, indi na bag-o sa ila ang aspeto nga nagakatabo tubtob sa karun kag ang nagagwa pa diri sila pa nga militar ang pasakaan sang kaso sa pagkapatay sang inosente kag bata.
Nagpahanumdom ini nga mangin mapili sa mga organisasyon nga nagahatag sang bulig kaangay sa pag-eskwela bangod kun kaisa sila ang nagasukot sang balik kag mabutang ang indibidwal sa isa ka posisyon nga indi na makapang-indi.
