Kaso nga ginpasaka sa mga miyembro sang NPA nga napatay sa engkwentro sa Kabankalan City, Negros Occidental case close na
Case closed na ang tanan nga kaso nga ginpasaka sa mga miyembro sang New Peoples Army nga napatay sa engkwentro nga nagluntad sa Brgy Tapi, ciudad sang Kabankalan, Negros Occidental, sang Dominggo.
Ang mga napatay ang ginkilala nga sanday Jhonrey Mejares, alias “Jai/JR”, political instructor ukon political guide; Glendel Tinio Mejares, alias “Ayin”, isa ka medical officer; Charity Amacan, alias ” Cha/Leah”, isa ka Squad leader kag anay secretary sang South East Front, Reniel Locsin Cello, alias “Kumpol/Adie”, isa ka squad leader; kag si Mary Jane Magquilat, alias ” Shonie/Chinchin/Shedi”, vice squad leader kag asawa ni alyas Kumpol; Jhon Isidor Supelanas, alias “Dalia”, political instructor; kag amo si alias “Pitong”, medical officer.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office (NOCPPO), may apat ka kaso sang murder kag isa ka direct assault ang squad leader nga si Reniel Locsin Cello.
Samtang si may 11 naman ka kaso ang squad leader kag anay secretary sang South East Front nga si Charity Amacan kun sa diin ang record sini ang wala lamang nalimitado sa Negros Occidental apang sulod man diri ang rekrod ni Amacan sa Region 6, 7 kag 8.
Samtang si Mary Jane Magquilat naman ang may isa ka kaso.
Sa mga kaso nga ginpasaka sa mga rebelde nalakip diri ang natabo sadto nga pagpang-ambush sa cauayan kun sa diin may duha ka suldado nga nagtaliwan.
