NOCCPO all set na para sa May 12 midterm elections

All set na ang Negros Occidental Police Provincial Office (NOCPPO) para sa May 12 national and local election.

Sa interview sang Bombo Radyo Bacolod kay Police Captain Judesses Catalogo, spokesperson sang NOCPPO, bastante na ang numero sang kapulisan sa probinsya kag indi na kinahanglan pa ang augmentation halin sa probinsya sang Siquijor kag Negros Oriental.

Suno diri, wala sang day off kag cancel man ang leave sang personnel para sa election.

Samtang, ang mga nagabusong, ang bag-ong bata kag ang may medical issues ang indi na kinahanglan pa ideploy.

Pahayag ni Catalogo, all set kag ready na ang NOCPPO para sa magsecure sang safety sang mga botante.