Ginapahayag sang convenor sang Water Watch Negros nga dapat mahatagan sang leksyon ang PrimeWater.
Ini kasunod sang mando ni president Ferdinand ‘Bongbong’ Marcos Jr nga imbestigaran ang PrimeWater bangod madamo na gid sang nagareklamo sa ila serbisyo apang mahal ang ila serbisyo.
Sa interview sang Bombo Radyo Bacolod kay Wennie Sancho, madamo na gid sa ciudad sang Bacolod ang nagareklmao sa PrimeWater.
Suno diri, madugay na nga may Joint Venture Agreement ang PrimeWater kag Bacolod City Water District apang tubtob sa karun dako sa gihapon ang problema sa tubig.
Para kay Sancho, failure ang pagprovide sang PrimeWater sang tubig nga malimpyo kag supesyente.
Wala pa man tubtob sa karun sang sabat sa request sang Water Watch Negros sa PrimeWater, BACIWA kag Sangguniang Panlungsod sang ciudad sang Bacolod para sa public hearing.
Pahayag ni Sancho, tion na para hatagan sang leksyon ang PrimeWater nga mahimo nagasalig lang kay ginapanag-iyahan ini sang pamilya Villar kag nagapati nga mauyatan na nila ang water system sa bug-os nga Pilipinas.
