Nakibot ang mga fans sa pag-isol ni Alex Eala sa Catalonia Open kun sa diin natalana kuntani nga mangin six-seed sa tournament.
Wala naman sang dapat nga kabalak-an bangud ang 19 anyos nga tennis star ang magapahuway lamang antes ang mga dalagko nga pagpanghangkat sa masunod nga semana.
Kalakip na diri ang pinakauna nga pagpasakop sa main draw sang Grand Slam sa Roland Garros sa masunod nga bulan.
Suno sa amay ni Eala nga wala man sang big issue.
Nagdesisyon lamang ang tennis star kag Rafa Nadal Academy scholar nga magpaidalom sa isa ka semana nga training bilang preparasyon sa Italian kag French Open.
Antes ang iya kuntani nga pagpasakop sa Catalonia, si Eala ang na-feature sa Madrid Open kun sa diin, iya nakontra ang world no. 2 nga si Iga Swiatek.
Natalana sia nga magpasakop sa Italian Open nga pagahiwaton sa Rome sumugod sa Mayo 6 tubtob Mayo 18.
Samtang isa man sa ginapreparahan ni Eala ang French Open sa Mayo 25 tubtob June 8 sa Paris.
Si Eala ang yara sa ika-72 sa pinakaulihi nga edition sang WTA rankings.
