Nagapanawagan ang Locks of Love Bacolod sa luyag magdonate sang buhok para sa mga cancer patients.
Sa interview sang Bombo Radyo kay Thea Kerl Gealon, project head sang Locks of Love Bacolod, luyag nila nga masuportahan ang cancer patients sa paghatag sa ila sang confidence.
Suno diri, may yara sila sang libre nga haircut para sa mga hair donors.
Ang mga buhok nga ila makuha, ila ginahimo bilang wig kag ginahatag sa mga cancer patients sang libre.
Padayon man ang ila pagkuha sa mga participants apang pagpanghangkat para sa ila ang magpatigayon sang dako nga event para sa hair donation event.
Suno kay Gealon, may yara sang requirements kun sa diin dapat may minimum nga 10 inches nga makuha nga buhok agud mahapos ini nga himoon nga wig.
Pwede man suno sa iya ang treated hair basta indi lang severely damaged.
Padayon sa karun ang pagpakig-angot nila sa cancer patients nga indi mahuya magpalapit sa ila para sa libre nga wig.
