Ginpaidalum sa medical examination ang driver sang salakyan nga nag-arado sa mga pasahero sa Ninoy Aquino International Airport Terminal 1 nga gintunaan sang kamatayon sang duha ka mga persona lakip na ang lima ka tuig nga bata nga babaye.
Ang 47-anyos nga suspetsado nga nagadrive sang itom nga SUV ang nagpaidalum sang alcohol kag drug testing.
Suno sa airport police, ila ginalauman ang resulta subong nga adlaw.
Madumduman nga duha ang napatay nga ginlakipan sang lima ka tuig nga bata samtang tatlo ang napilasan matapos nga mabungguan sang itom nga SUV sa departure area sang Ninoy Aquino International Airport (NAIA) Terminal kahapon sang aga.
Suno sa report ginpahayag ni Transportation Secretary Vince Dizon nga duha ang napatay kag kalakip diri ang lima ka tuig nga bata nga bata sang OFW.
Dugang pa ni Dizon, tatlo ang nasamaran nga gindala sa San Juan de Dios Hospital.
Suno sa post sang Philippine Red Cross (PRC) ang insidente ang nagluntad antes ang alas 9:00 ang takna kaina sang aga.
Ginpahayag man sa post nga alas 8:55 ang takna kaina sang aga, ang sports utility vehicle (SUV) ang nag-awas sa dalan nga nagderecho sa outer railing kag walkway antes nakabunggo sa entrance sang Departure Area at NAIA Terminal 1 sa Pasay City.
Samtang gom-athag naman ni DOTr Secretary Vince Dizon nga indi intentional ang pag-arado sang itom nga SUV sa departure area sang NAIA Terminal 1.
Suno diri, nagdul-ong sang pasahero ang driver antes ang aksidente.
Sabton sang San Miguel Corp. ang gastos sa pagpalubong sa mga napatay kag pagbpabulong sang mga pilason.
Dugang pa, ipa-idalom sa mandatory drug test ang driver.
Nag-apelar man si Dizon sa mga netizen nga naga-post sang mga video kag laragway sang insidente nga respetuhon ang pamilya sang biktima.
