Ginpahayag sang station commander sang Bacolod City Police Station 2 nga may kaso nga pagpangawat kag pagpangkastigo ang isa sa duha ka bangkay nga nasapwan sa Hacienda San Roque, Barangay Cubay sa ciudad sang La Carlota, kahapon sang aga.
Ang duha ka mga bangkay ang ginkilala nga sanday Ernesto Jawud, alyas ‘Atong’, 32 anyos kag Glenn Arnaiz, alyas ‘Follow Up’, 29 yrs, old lunsay mga residente sang Barangay 6, Bacolod City.
Sa interview sang Bombo Radyo Bacolod kay Police Major Eugene Tolentino, nagsungka sang tinalikdan nga tuig si Arnaiz bangod may warrant ini sa kaso nga pagpangawat kag tinalikdan nga bulan lamang sang ginreklamo ini nga ginkastigo niya ang iya bayaw.
May yara man sang report nga nagapalupok ini sang armas-luthang apang ulihi na kun mareport sa kapulisan.
Samtang, gina-usisa man sang La Carlota City Police Station ang kaso nga pagpangawat ni Glenn Arnaiz, alyas ‘Follow Up’ kun may kaangtanan ini sa pagpatay sa iya.
