Ginpahayag sang Officer in Charge Regional Director sang Police Regional Office – Negros Island Region (PRO-NIR) nga 7,000 ka mga katapo sang Philippine National Police (PNP), Armed Forces of the Philippines (AFP), kag Philippine Coast Guard (PCG), sa kabug-usan nga Negros Island Region (NIR) ang ideploy para sa seguridad sa May 12 midterm elections.
Suno kay Police Brigadier General Arnold Thomas Ibay, handa na ang tagsa ka mga uniformed personnel nga ideploy sa polling center, safekeeping sang mga balota kag Automated Counting Machine (ACM), route security, kag iban pa nga mga aktibidad may kaangtanan sa piniliay.
Suno kay Ibay may yara sang duha ka Local Government Units nga yara sa election areas of concern nga ginlakipan sang banwa sang La Libertad kag ciudad sang Guihulngan sa Negros Oriental.
Nahibaluan nga ang Philippine National Police ang ginpaidalom naman sa full alert status sa pagsiguro sang malinong kag matawhay nga piniliay.
