May yara na sang lead ang Murcia Municipal Police Station sa suspect sa pagmassacre sang pamilya sa Sitio Guinam-an, Barangay Buenavista, Murcia, Negros Occidental, sang Mayo 1, sang gab-i.
Ang mga biktima ang ginlakipan sang amay nga si Neldy Celayes, 59 anyos, iloy nga si Josephine Celayes, 60 anyos kag ang ila bata nga si Jovie Celayes, 33 anyos.
Sa interview sang Bombo Radyo Bacolod kay Police Major Sherwin Fernandez, hepe sang Murcia Municipal Police Station, may duha ukon masobra pa nga ginalantaw nga suspek sa pagpatay sa pamilya.
Suno diri, ginalantaw man nga motibo amo ang away sa duta.
Nahibaluan nga ila mismo ang duta nga natukuran sang ila balay kasubong man ang uma, apang ang pamilya ang nagatrabaho man sa kampo sang iban.
Nagapanawagan ini sang kooperasyon sang pamilya sang tatlo ka napatay agud mahatagan sang hustisya ang mga biktima.
