Inspirasyon sang Ben&Ben sa kanta nga “Courage,” ginpakigbahin sang banda antes sang ila ‘The Traveller Across Dimensions World Tour’

Ginpakigbahin sang banda nga Ben&Ben ang inspirasyon sa likod sang ila kanta nga “Courage” nga isa sa ila lineup para sa ginakalangkagan nila nga The Traveller Across Dimensions World Tour.

Sa isa ka press conference, ginpahayag sang Ben&Ben nga ang nasambit nga kanta indi lang isa ka simple nga motivational song kundi isa ka tribute sa isa ka bata nga fan sang ila mga kanta kag nagapakigbato sa balatian nga cancer.

Suno kay Ben&Ben vocalist Miguel Benjamin, “Maxelle” ang ngalan sang amo nga bata kag natapos na sini ang iya chemotherapy journey apang indi pa ini cancer-free.

Santo sa impormasyon, paborito ni Maxelle ang mga kanta sang Ben&Ben halin pa sang tatlo ka tuig pa lang ini.

Ang “Courage” gin-release sang November 29, 2024.