Patay ang anom ka tuig nga bata nga babaye matapos nga makuryente sa ila puluy-an sa Sitio Cotcot, Barangay Mabini, Cadiz City, Negros Occidental sang Miyerkules, Mayo 7.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office, sa panaysayon sang amay sang bata, nagsaksak ang biktima sang charger sang cellphone sa sucket apang natandog sini ang metal nga gintunaan sang pagkakuryente sang bata.
Ang biktima ang gindala pa sa ospital apang gindeklarar nga dead on arrival.
Ginalantaw nga mahimo wala nasarangan sang bata ang dako nga boltahe sang kuryente, gani ini ang ginbawian sang kabuhi.
Suno kay Catalogo, ang amay mismo sang bata ang nagreport nga aksidente nga nakuryente ang biktima.
