Ginsabat ni Palace Press Officer Claire Castro ang pahayag ni Vice President Sara Duterte natuhoy sa konsekwensya sang pagpili sang sala nga pinuno sang pungsod.
Suno kay Castro, posible nga ginatumod ni Duterte ang iya kaugalingon kag ang iya pamilya natuhoy sa pagpili sang sala nga leader kadungan sang pagreference sini sa stint sang bise-presidente bilang education secretary.
Suno sa iya, sadto nga tiyempo, nakit-an kun paano ginpabay-an ang education sector kag 1.5 million DepEd laptops ang nastuck sa mga warehouses humalin 2020 kag wala ini nakakita sang paagi agud masolbar ang problema.
Suno diri, ang tenure ni Duterte sa DepEd ang napalibutan man sang kontrobersiya natuhoy sa P5.7 billion nga pan-os nag gatas kag moldy Nutribun nga posible makabenepisyo pa kuntani sa mga public school students.
Dugang pa ni Castro nga kun lantawon si Duterte ang problema ukon isa sa mga problema sang pungsod.
