Ginpasalamatan ni Negros Occidental Governor Eugenio Jose “Bong” Lacson ang tanan nga nagsuporta sa iya agud nga mangin gobernador sang probinsya.
Suno kay Lacson, nagapasalamat gid ini sa pagsalig kag confidence nga ginhatag sang mga pumuluyo sa iya, gani nagpasalig ini nga magapadayon ang honest, may integridad kag may pagpalangga nga pagserbisyo sa mga pumuluyo sa probinsya sang Negros Occidental.
Ginpanginbulahan man sini ang tanan nga mga nagdaog nga kandidato sa 2025 Midterm Elections.
Nagpanugyan man ini sa mga nagdalaog nga pagkatapos sang piniliay dapat tumanon kun ano ang ginpromisa sang mga pumuluyo sang sila ang nagakampanya.
Suno sa gobernador dapat himuon sang mga ini ang ila nga best sa sulod sang tatlo ka tuig bangud ang nasambit nga tion ang malip-ot lamang.
Dugang pa sini nga sa Hunyo 30 dapat nakahanda na ang mga ini nga magserbisyo, kun bag-uhan apang kun re-elected kag incumbent dapat magpadayon sa pagserbisyo kag dapat nila panumdumon nga nagdaog ang mga ini bangud luyag sang mga Negrense nga magpadayon ang mga ini.
