Apat ka mga pasahero sang ceres bus ang pilason matapos nga naglupok ang goma sini kag aksidente nga nagbunggo sa area sang BYD showroom sa ciudad sang Talisay, Negros Occidental kagab-i.
Sa impormasyon nga nakuha sang Bombo Radyo, nagabyahe nagikan sa Barangay Minapasok padulong sa ciudad sang Bacolod ang isa ka ceres bus sang hinali lamang nga naglupok ang goma sini sa Barangay 15 rason kun ngaa aksidente ini nga nagbunggo sa area sang nasambit nga car company.
Antes ini, nag-igo man ang ceres bus sa isa ka puno kun sa diin may nakapark nga duha ka mga motorsiklo.
Nakaangkon sang minor injuries ang apat ka mga pasahero sang ceres bus nga gilayon naman nga ginadapatan sang nagakaigo nga pagbulong.
Ang mga pilason ang ginkilala kanday Mariel Medel, 25 anyos, residente sang Barangay 5, Silay City; Robert Lovedorial, 32-anyos, residente sang Barangay 21, Victorias City; Paolo Constantino, 22-anyos, residente sang Barangay 21, Victorias City; kag Reynel Malinao, 32-anyos, residente sang Barangay 13, Victorias City.
Nakaangkon man sang minor injury ang driver sang ceres bus nga si Rodel Cohanap, 35-anyos, residente sang Sagay City, kag sa karun temporaryo nga nakahunong sa Talisay City Police Station.
