Luyag sang Commission on Elections nga maproklamar ang nagdalaog nga mga Senador sa midterm polls sa Domingo.
Kun ini ang matabo, ini ang mangin “earliest proclamation in the history of our election.”
Suno kay Comelec chairperson George Garcia, safe hambalon nga indi sila maglapaw tubtob sa sini nga semana gani ginalantaw nga sa Domingo, dapat maproklamar na ang mga Senador samtang sa party-list, sarang nga may yara sang isa ka adlaw nga lak-ang.
Suno kay Garcia, ang kaangay nga historic feat ang mangin posible bangud sa pace sang canvassing sa sini nga Eleksyon.
Ang Comelec, nga nagapungko bilang National Board of Canvassers (NBOC), ang nakaproseso sang 58 sa 175 ka mga certificates of canvass sang nagconvene ini sang Martes kag ila ginalantaw nga magcanvass sang dugang pa nga isa ka gatos.
