Cristiano Ronaldo, ginkilala nga “world’s highest-paid athlete” sa tatlo na ka sunod-sunod nga tuig

Nagpanguna si Cristiano Ronaldo sa listahan sang Forbes sang world’s highest-paid athletes sa ikatatlo nga sunud-sunod nga tuig kag ikalima sa iya career.

Kasunod sang iya pagsaylo sa Saudi Arabian club Al-Nassr, ang estimated total earnings ni Ronaldo ang yara na sa $275 million.

Nagsaka ang income sang Portuguese forward sang $15 million pinaagi sa off-field endorsements kag mga sponsorship deals nga suportado sang iya dako nga social media followers nga yara na sa kabug-usan nga 939 million subong nga Mayo.

Samtang, ang Golden State Warriors guard nga si Stephen Curry, nga nangin pinakauna nga NBA player nga nakalab-ot sa 4,000 career three-pointers, ang naglukso sa ikaduha nga ranking nga may $156 million.

Ikatatlo ang boxer nga si Tyson Fury nga may $146 million.