President Bongbong Marcos, willing nga magreconcile sa pamilya Duterte

Ginpahayag ni President Ferdinand “Bongbong” Marcos Jr. nga willing ini nga magreconcile sa Pamilya Duterte bangud luyag sini nga maayo ang iya relasyon sa tanan.

Ini ang ginpahayag ni Marcos sa una nga episode sang podcast sini sang siya ang ginpamangkot kun luyag sini nga magreconcile sa pamilya Duterte.

Suno kay Marcos, madamo na ini sang kontra kag indi na sini kinahanglan sang dugang pa nga kontra kundi abyan ang iya kinahanglanon.

Suno sa iya, kun masarangan, ang luyag lamang sini amu ang stability kag kalinong agud mahimo nila ang ila trabaho.

Suno diri, bukas ini sa maskin ano nga approach.

Hangkat sini sa iban nga mga opisyales nga sila ang magbuligay kag hukson na ang gamo.