Ginpahayag sang Secretary General sang United Negros Alliance (UNEGA) nga may yara na sang legasiya sa ila grupo kag ini ang ginpasa pa ni late Negros Occidental Governor Alfredo Marañon Jr.
Una na nga ginpahayag ni Governor Eugenio Jose “Bong” Lacson nga luyag sini ibilin ang legasiya sang maayo nga pagtamdanay kag merger sang duha ka political groups sa probinsiya-Love Negros kag UNEGA-kag magapabilin ini tubtob sa 2028.
Sa pahayag ni Cadiz City Mayor Salvador “Bading” Escalante, ang probinsya ang may yara sa karun nga governorship nga wala sang inaway sa tunga sang magtimbang nga lokal nga partido bangud may maayo nga pagtamdanay ukon pag-isa sa Negros Occidental.
Suno kay Escalante, may yara na sang inisyal nga paghinambalanay sa mga miyembro sang UNEGA kun sa diin natalakay kun ano ang matabo sa 2028 kag kun sin-o ang mangin gobernador gikan sa ila sini nga partido.
Suno pa diri, nakasugtan sang duha ka partido nga ang Love Negros ang magakuha sang ‘governorship’ sa sulod sang siyam ka tuig, kag sa karun nga tion naman sang UNEGA nga magpamuno sa probisya, sila ang nagapili sa duha nila ka starwars nga sanday outgoing Vice Governor kag in-coming 4th District Representative Jeffrey Ferrer, presidente sang UNEGA kag second termer 2nd District Representative Alfredo Marañon III, nga chairman sang partido.
