Ginalantaw sang Department of Agriculture ang posibilidad sang pag-expand sang pagbaligya sang P20 per kilo nga bugas sa low kag lower middle income families suno kay Agriculture spokesperson Asec. Arnel de Mesa.
Ini sa tunga sang mga panawagan nga i-expand ang sale sagwa sang vulnerable sector nga ginalakipan sang 4Ps, senior citizens, PWDs, kag solo parents.
Suno kay De Mesa, ang prayoridad sagwa sang vulnerable sector ang mga pigado.
Suno diri, ang mangin target sang DA amu ang katunga sang populasyon nga yara sa kapin 15 million nga mga pamalay ukon 60 million Filipinos.
Suno sa agriculture department, madamo sang mga considerations ilabi na sa impact sang expanded rollout sa rice industry kag ekonomiya.
Suno naman sa Grains Retailers Confederation of the Philippines, ang pagbaligya sang P20 per kilo nga bugas sa tanna ang makaapekto sa palangabuhian sang mga retailers.
Suno diri, indi makasarang nga makacompete ang retailer sa tag P20 per kilo nga bugas.
