Wala pa sang may napanagtag nga ayuda sa Gaza Strip suno sa United Nations, isa ka adlaw matapos ginpahanugutan sang Israel ang humanitarian deliveries nga magresume matapos ang isa ka 11-week blockade sa Palestinian enclave, kun sa diin nagpaandam ang mga eksperto sang nagahilapit nga tig-gulutom.
Suno kay U.N. spokesperson Stephane Dujarric, apat ka mga trucks sang baby food ang gindrop off sa Palestinian side sang border sang Lunes kag dinosena nga trucks sang harina, bulong, nutrition supplies kag iban pa nga basic items ang nagsulod sa Gaza.
Suno diri, isa ka miyembro sang ila teams ang naghulat sang pila ka oras para sa green light nagikan sa Israel agud ma-access ang Kerem Shalom area kag makolekta ang nutrition supplies apang wala sila nakadala sang mga ini sa ila warehouse.
Sang Martes, ginpahayag sang U.N. humanitarian sa Geneva nga naghatag na sang permiso ang Israel sa kapin 100 aid trucks agud makasulod sa Gaza.
