Ginpatigayon ang kick-off sang Bacolod Chicken Inasal Festival (BCIF) 2025 paagi sa ceremonial grilling sa temporaryo nga Manokan Country sa SM City Bacolod kahapon, Mayo 21.
Ang cermonial grilling ang ginpatigayon agud nga dumdumon ang ginhalinan sang world-famous Chicken Inasal.
Sa interview sang Bombo Radyo Bacolod kay Councilor Celia Flor, Chair sang Committee on Markets sa Sangguniang Panlungsod, ginpatigayon ang launching sang Bacolod Chicken Inasal Festival sa nasambit nga mall.
Suno kay Flor, ginaayo sini ang tanan nga makigbahin sa kapiyestahan bangud nga subong nga tuig ini ang mas bongga pagid.
Suno diri ang kapiyestahan ang igaselebrar sa sulod sang lima ka adlaw kun sa diin nag-umpisa Mayo 21 kag magalawig tubtob sas Mayo 25.
Ini ang patigayunon man sa nagkalain-lain nga venues nga ginalakipan sang temporaryo nga Manokan Country; UpperEast Megaworld kag Ayala Capitol.
Dugang pa sini ang mga tenants sang Manokan Country ang nakaadjust naman sa temporaryo nga pwesto kag madamo na ang nagakaon bangud nakita nga malimpyo kag manaya-naya ang ambiance.
May mga problema lang kun mag-ulan apang nagpromisa na ang management sang mall nga butangan sang canopy agud nga indi mabasa ang mga customer mag-ulan.
