Nagalaom ang presidente sang Manokan Country Vendors Association nga pilahan ang mga events nga ginline up sang Bacolod City Government para sa Bacolod Chicken Inasal Festival kag ini ang makapasaka sang ila nga sales.
Suno kay Dee Sacro, natigayon man ang launching kun sa diin ginpatigayon ang ceremonial grilling.
Suno kay Sacro, ang nasambit nga seremonya subong nga tuig ang ginsponsor man sang SM Bacolod.
Suno diri, nagalaom siya sa masunod nga tuig ang mas madamo pa ang mapakaon sa ceremonial grilling nga amo ang ila nga goal.
Nagalaom ini nga madamo ang magakadto sa ila pwesto agud nga magkaon bangud madamo sila sang ginpreparar kaangay lamang sang free drinks.
Ginpahayag man sini nga nakaadjust naman ang mga vendors kag nalipay man sila bangud wala sila sang ginabayaran nga renta magluwas sa kuryente kag tubig apang challenging lang ang ila nga pwesto kun maginit kag mag-ulan.
Ginahulat nila sa karun nga matakod ang canopy agud nga indi na mabudlayan ang mga customers nga magkaon diri kun mag-init man ukon mag-ulan.
