Dako ang pagpati ni Bacolod City Councilor Al Victor Espino nga dako ang tyansa nga mabutang si Bacolod City Lone District Congressman-elect Alfredo “Albee” Benitez bilang Speaker sa House of Representative.
Sa interview sang Bombo Radyo Bacolod, ginakabig ini sang konsehal nga uplifting news para sa Bacolod City.
Ini matapos nga kalakip sa mga ginakonsiderar nga top contenders bilang masunod nga House Speaker si Benitez.
Pahayag sini nga indi lamang Bacolod City ang makabenepisyo, kasubong man ang probinsya sang Negros Occidental, Negros Island Region kag bilog nga pungsod.
Suno kay Espino, mahimo nga ireplicate ni Benitez ang mga improvements nga nahimo sini sa Bacolod City sa national level.
Nagapati ang konsehal nga natalana gid man sa mas dako nga pwesto si current Bacolod City Mayor Albee Benitez kag wala na ini sang nakita nga iban nga mas deserving nga mangin masunod nga Speaker of the House.
