Nagakoordinar na ang Department of Agriculture (DA) sa Fertilizer and Pesticide Authority agud masiguro nga nakahanda na ang pag-issue sang emergency use permit (EUP) para sa insecticides nga gamiton kasunod sa pagduging sang mga peste sa bahin sang Northern Negros Occidental.
Suno kay DA Spokesperson Arnel De Mesa, sa inisyal, may nakita ang National Crop Protection Center (NCPC) nga may yara sang insecticides nga epektibo sa pagkontrolar sa red-striped soft scale insects (RSSI) apang ini ang wala pa na-authorized nga gamiton sa tubo.
Sa karun, nagakoordinar ang DA sa iban nga rehiyon para maquarantine ang RSSI kag malikawan nga maglapta ang infestation.
Suno sa Sugar Regulatory Administration, may anum ka areas sa Northern Negros Occidentall nga ila ginamonitor kasunod sa report sang mga sugar farmers nga nagadako ang infestation sang RSSI nga nagapanubo sa sugar content sa kapin sa 50 porsyento.
Nagtukod na sa karun ang SRA sang task force sa pagpanguna ni SRA board member David Andrew Sanson agud makontrolar ang infestation kag ginpanugyanan sini ang mga mangunguma nga untaton ang pagtransport sang planting materials halin sa Luzon kag iban pa nga infected areas agud indi na maglapta pa ang red-striped soft scale insects.
