Nakahanda na ang mga atleta sang Negros Occidental sa pagbukas sang Palarong Pambansa 2025 nga patigayunon sa Ilocos Norte subong nga adlaw, Mayo 24.
Sa interview sang Bombo Radyo Bacolod kay Romeo Sison, Provincial Sports Coordinator sang Negros Occidental, manaya naya ang panahon sa Ilocos Norte sang nag-abot sila kahapon.
Suno kay Sison, kahapon, ginpatigayon man ang ang solidarity meeting agud nga iplastar ang house rules
Suno diri, ang Western Visayas ang may yara sang mga atleta nga magahampang sa halos tanan nga sports event.
Ginpahayag man ni Sison nga isa ang volley ball sa ginalantaw nga makakuha sang medalya.
Dugang pa sini nga indi man mahambal kun ano nga rehiyon ang magapanguna bangud bilog ang bola kag ang tanan ang nagapapreparar man para sa paghampang sa Palarong Pambansa kag nagatinguha nga makakuha sang medalya.
Samtang ginpahayag man sini nga may nakita na ini nga mga welcome streamers sa airport nga nagapakita nga magatambong sa pagbukas sang Palarong Pambansa sa Ilocos Norte ang opening ceremony nga patigayunon karun sa hapon.
