Nakita sa assessment sang Department of Education nga tres milyones ka mga estudyante ang nagakinahanglan sang bulig bangud sa learning gaps.
Nagpagwa sang pahayag ang DepEd matapos nga natukiban sang Philippine Statistics Authority nga 5.58 million nga graduate sang high school ang functionally illiterate ukon may kabudlayan sa comprehension kag pagintsindi.
Suno sa pahayag ni DepEd Undersecretary Gina Gonong, nga may yara sang mga ekspestasyon sa kun ano ang dapat tun-an sang bata.
Kun indi sang mga ini malab-ot ang ekspektasyon, may yara sang learning gap.
Suno diri madamo sang problema kag madamo sang factors kun ngaa nagakatabo ini gani ang mga manunudlo kag mga ginikanan ang magabuligay kun paano mabuligan ang bata nga makahibalo kag matun-an ang mga necessary ukon kinahanglanon nga skills.
Samtang ang DepEd Academic Recovery and Learning (ARAL) Program ang may katuyuan nga masolusyunan ang learning gap nga rason sang kabudlayan sang pagtuon kag comprehension.
Ang programa ang ginamando sa idalom sang Republic Act 12028, nga ginpirmahan ni President Ferdinand Marcos Jr. sang October 2024.
Sa idalom sang ARAL program, ang mga estudyante ang magapaidalom sa assessments agud nga matumod ang kinahanglanon sa mga tutorials kag dugang nga programa sa pagtuon sagwa sang classrooms.
Ang mga tutorials ang patigayunon indi magsobra sa isa ka oras kada adlaw ukon indi magsobra sa duha ka oras para sa weekend programs kag ini ang himuon sang nagkalain-lain nga mga manunudlo.
