Nag-umpisa na ang gobyerno sang Australia sa lapnagon nga pagpanglimpyo matapos ang nagluntad nga pagbaha kun sa diin napatay ang lima ka mga tawo kag naguba sang masobra napulo ka libo nga mga propedad.
Suno kay Australian Prime Minister Anthony Albanese, ginpasiguro sang gobyerno sa tanan nga apektado nga mga residente ang makabaton sang nakaigo nga bulig.
Padayon naman ang pagpatigayon sang damage assessment sa New South Wales nga tuman kaapektado sa nagluntad nga pagbaha.
Sa karun maayo na ang sitwasyon sang pila ka lugar nga naapektuhan sang pagbaha ilabi na sa mga matawo nga lugar.
Ginatos naman sa mga residente ang nagapabilin sa evacuation center.
Pinakaulihi nga nareport nga napatay sa pagbaha ang isa ka 80 anyos nga lalaki kun sa diin nasapwan ang lawas sini mismo sa iya propedad nga ginbaha.
Ginpasiguro sang gobyerno nga magapadayon ang paghatag sang bulig sa tanan nga mga apektado sang kalamidad.
