Nakaabot na si President Ferdinand “Bongbong” Marcos Jr. sa Kuala Lumpur, Malaysia kahapon, Mayo 25 agud magpartisipar sa 46th ASEAN Summit and Related Summits.
Ang Philippine Airlines Flight PR001, nga ginasakyan sang Presidente kag ni First Lady Liza Araneta Marcos ang nagtouch down sa Kuala Lumpur International Airport alas 5:41 sang gab-i.
Ang first couple ang ginwelcome ni Philippine Ambassador to Malaysia Maria Angela Ponce.
Sa iya departure speech, nagpromisa ang Presidente nga magare-affirm kaupod ang fellow ASEAN leaders sang ila commitment sa ASEAN centrality kadungan sang pagnavigate kag pagduso sang regional kag global challenges, lakip na ang developments sa West Philippine Sea, sitwasyon sa Myanmar kag mga pagpamahog sa regional peace kag maritime security.
