Janice De Belen, ginhatagan sang bouquet of flowers ni Korean actor Song Joong Ki sa iya fan meet sa Manila

Sana-all Janice De Belen.

Ini ang pahayag sang madamo nga Kdrama Fans matapos nga ginhatagan ang aktres sang bouquet sang bulak ni Song Joong Ki kadungan sang fan meet sini sa Manila.

Sa iya Instagram, ginpakigbahin sang aktres ang pila ka mga laragway sa event kag ginpahayag nga si Song Joong Ki ang iya nga “ultimate fave Korean actor”.

Nakilala si Joong Ki matapos sini ikabuhi ang role ni Captain Yoo Shi Jin ukon Big Boss sa “Descendants of the Sun.”

Siya man ang bida sa “Space Sweepers” “A Werewolf Boy,” “Reborn Rich” kag madamo pa.