Nasapwan ang bangkay sang isa ka lalaki nga nag-utas sa kaugalingon nga kabuhi sa bahin sang Barangay Tangub, Bacolod City.
Ang biktima ang wala pa makilal-an sa karun, kag ini ang nasapwan kapin alas-6:00 subong nga aga nga nakab*tay sa puno sang kahoy gamit ang gamay nga pisi, kun sa diin kapin tatlo ka pulgada ang distansya sang tiil sini sa duta.
Ang kahoy ang yara sa hilamonan nga bahin sa ulu-unhan lamang sang highway sa dalan Araneta malapit sa San Isidro Labrador Parish Church.
Ang biktima ang nakalu-ab nga orange, pants kag puti nga tsinelas.
May suksok man ini nga backpack nga may balunan nga wala na sang unod kag habol.
Suno sa nakawitness, may narecover ang kapulisan nga isa ka keypad nga cellphone, kag gina-alegar nga ini ang may kaaway sa text, nga mahimo kahagugma sini.
Sa pagbanta sang witness, yara sa 40 anyos ang edad sang biktima, ini ang maniwang kag moreno.
