Ginhighlight ni President Ferdinand “Bongbong” Marcos Jr. ang critical role sang ASEAN youth sa puturo sang rehiyon sang siya ang nagdeliver sang iya intervention sa ASEAN Leaders’ Interface with Representatives of ASEAN Youth nga ginpatigayon sa Kuala Lumpur, Malaysia.
Suno kay Marcos, tuman ka importante ang partisipasyon sang mga kabataan sa ila collective efforts sa pag-address sang mga pagpanghangkat kasubong man sa pagharness sang mga oportunidad agud malab-ot sang rehiyon ang ASEAN vision sini.
Suno diri, dapat nga i-equip ang mga kabataan sang digital resilience nga magapahanugot sa ila nga magnavigate sang online spaces paagi sa isa ka critical lens kag maggamit sang teknolohiya agud ma-amplify ang ila mga tingog kag contributions sa regional growth sang ASEAN.
Ginpabugal sini ang mga inisyatibo sang Pilipinas sa pag-empower sang mga kabataan, lakip na ang madinalag-on sini nga paghost sang ASEAN Youth Climate Action and Disaster Resilience Conference sa Manila.
Panugyan sini nga dapat padayunon ang pagtukod sang mga avenues para sa mga kabataan agud magsanyog ang shared vision sang kada pungsod para sa mangin puturo sang ASEAN.
