Luwas sa katalagman ang mga crew sang container ship nga naglugdang sa Kochi Coast, India sang Domingo.
Ang barko ang may 24 ka mga crew nga ginalakipan sang 20 ka mga Pilipino, duha ka Ukrainians, isa ka Georgian kag Russian captain.
Mayo 25, ang 184-meter Liberia-flagged container ship nga MSC ELSA 3 ang naghilay sa 26 degrees samtang padulong ini sa Kochi nagikan sa Vizhinjam — 38 nautical miles southwest sang Kochi Coast.
Bangud sini, gin-alerto sang ship officials ang Indian authorities kag nagrequest ang urgent assistance.
Gilayon nga nakaresponde ang Indian Coast Guard kag Indian Navy gani narescue ang 15 ka mga crew nga on-board sa barko antes ini naglugdang.
May siyam naman ka crew nga naglumpat sa life raft kag sila ang narescue sang MV Han Yi. Ang kapitan sang MV Han Yi amo si Capt. Roybel Sualibios Tabobo nga tumandok ang Tigbauan, Iloilo.
Ang MSC Elsa 3 nga ginapanag-iyahan sang MSC Ship Management ang nagakarga ang 640 containers lakip ang 13 ka unspecified hazardous cargo kag 12 ka nagaunod sang calcium carbide.
Ang tangke sang barko ang nagaunod ang 84.44 metric tons sang diesel kag 367.1 metric tons sang furnace oil.
Bangud sini, nagpagwa ang Kerala chief minister sang warning sa mga tawo nga indi magpalapit sa mga containers nga nagautaw-utaw sa dagat kag nag-abiso man sa mga mangingisda nga indi maglayag malapit sa naglugdang nga barko.
