Paghigugma, nagpangibabaw matapos ginpakaslan sang lalaki ang iya kahagugma nga may stage 4 cancer

Ano bala ang imo masarangan nga himuon sa ngalan sang paghigugma?

Nakakuha sang pagdayaw ang ginhimo sang isa ka lalaki sa Mandaue City, Cebu, ini matapos nga ginpakaslan sang sini ang iya partner apisar nga nagasuprer ini sang stage 4 cancer.

Suno sa report, pila ka adlaw antes ang kasal sa simbahan, gindala sa ospital ang bride nga si Ayen Sanchez bangud sang iya sakit.

Agud nga madayon ang seremonya, nagpasugot ang ospital nga gamiton ang ila chapel para hiwatan sang kasal nanday Sanchez kag sang groom niya nga si Jurry Brigoli, nga 15 na ka tuig nga naga-updanay.

Nangin saksi naman sang kasal ang anum nila nga mga anak kag nangin bisita ang mga staff sang ospital.

Ang pangamuyo sang bag-ong kasal amo ang pag-ayo ni Ayen.