Nagapabilin sa ospital sa ciudad sang Bacolod ang 25 anyos nga babayi matapos nga ini ang gin-alegar ginhimuslan sang tatlo ka mga lalaki sa isa ka barangay sa ciudad sang Bacolod sang Sabado, Mayo 31.
Sa interview sang Bombo Radyo Bacolod kay alyas “Toto”, isa sa mga nagbulig sa biktima, mga alas 11:00 ang takna sang gab-i sang Sabado nakita sini ang biktima kag gilayon nga ginbuligan.
Suno kay alyas Toto, sang nakita sini ang biktima nagapungko ini kag nagapangluya.
Suno sa alegasyon sang biktima, ginrape ini sang tatlo ka lalaki kag wala na siya makahibalo kun diin siya gindala bangud gindrop lamang ini sa downtown.
Nakamask naman ang tatlo ka mga lalaki samtang ang nagasuksok lamang sa bayo kag shorts kag wala na sang suksok nga bra kag panty.
Nakahigot naman sa tiil sini ang bra, may lagob sa lawas, kag may bukol sa ulo.
Gintestingan man nga iblotter apang luyag sang mga police nga ang biktima mismo ang magsaysay kag mapablotter sang gina-alegar nga pagpanghimulos.
