Wala pa nakapablotter ang biktima gina-alegar nga pagpanghimulos kag pag-abduct diri bangud nagapadayon pa ini sa pagpaayo sa hospital.
Sa interview sang Bombo Radyo Bacolod kay Police Lt. Rowena Magan, pinuno sang Women and Children Protection Desk sang Bacolod City Police Office, wala pa sila nakabaton sang report apang ginkadtuan nila ang hospital kun sa diin gindala ang gina-alegar biktima sang abduction kag rape.
Suno kay Magan, ang biktima ang unstable pa sa karun gani indi pa sila makaconclude kun may rape kag may abduction nga natabo.
Suno diri, hulaton nila nga magmaayo na ang sitwasyon sang biktima kag boluntaryo ini nga magsaysay sang natabo sa iya bangud indi man nila ini mapilit.
Panugyan ni Magan sa mga babayi nga kun may matabo nga indi maayo sa mga ini magpalapit sa WCPD bangud ginapasiguro sini nga wala sang makahibalo nga iban magluwas nalang kun sila na mismo ang magpakigbahin sa social media kag sa iban nga tawo.
