Pagatun-an ni President Ferdinand “Bongbong” Marcos Jr. ang economic implications sang ginapropose nga P200 minimum wage increase suno sa Malacañang, matapos napasar sang Kamara sa third and final reading ang isa ka hagna nga may tinutuyo nga pasakaan ang minimum wage para sa pribado nga sektor.
Sa pagtuon sang nasambit nga hagna, ginpahayag ni Palace Press Officer Claire Castro nga pagakuhaon sang Presidente ang opinion sang tanan nga stakeholders lakip na ang wage boards.
Suno kay Castro, ila pagalantawon ang economic implications natuhoy diri kag kun paano ini iresolbar paagi sa opinion sang wage boards bangud ang wage boards ang ginhimo sang Kongreso.
Suno sa iya, luyag sang Presidente nga mahatag kun ano ang makapamaayo sa mga trabahante nga Filipino.
