Gin-anunsyar sang Department of Agriculture (DA) nga padayon ang ila pag-inspect sa mga livestock farms sa bilog nga pungsod nga naga-operate nga wala sang nagakaigo nga permit bangod ini naga-apekto sa supply chain sang pungsod kag price stability.
Sa statement nga ginpagwa ni Agriculture Secretary Francisco Tiu Laurel Jr. may gin-issue na ang Bureau of Animal Industry (BAI) sang show cause order sa pila ka mga pig farms sa Luzon bangod naga-operate bisan nga wala nagasunod sa basic health, environmental, kag safety regulations.
Suno diri, ang lapses makahalit sa effort sang ahensya nga ma-stabilize ang pork supply kag ang presyo ilabi na sa karun nga nagarekober pa lang ang pungsod sa epekto sang African Swine Fever (ASF).
Sa karun mas ginpalapad pa sang BAI ang ila pag-inspect kag pag-assess sa compliance sang swine farms sa bilog nga Pilipinas.
