Lauman nga may yara sang pagsaka sa presyo sang produktong petrolyo sa masunod nga semana bangod sa tensyon sa mga pungsod nga may giyera kag nagaluntad nga environmental events.
Suno kay Rodela Romero, Oil Industry Management Bureau Assistant Director sang Department of Energy (DOE), lauman nga magasaka sa presyo nga P0.15 tubtob P0.60 ang kada litro sang Gasolina, P0.50 tubtob P0.90 ang kada litro sang Diesel kag P0.25 tubtob P0.40 ang kada litro sang Kerosene.
Suno diri, ang increase sa oil price ang bangod sa nagapadayon nga tensyon sa tunga sang dalagko nga oil exporters sa kalibutan nga amo ang Russia kag Ukraine.
Kasubong man nga apektado ang presyo bangod sa nuclear deal sa tunga sang United States kag Iran kag nakaligad lang nga wildfires nga nagluntad sa Canada.
Masami nga gina-anunsyar kada Lunes ang actual nga price adjustment nga ginpatuman pagka-sunod nga adlaw.
