Paga-awardan sang knighthood ni King Charles III si David Beckham bilang pagkilala sa football career sini kag charity work.
Na-set nga ilakip sa lista sang King’s Birthday Honours ang former England football captain.
Nalakip man sa na-awardan sang title ang former manager ni Beckham sa Manchester United nga si Alex Ferguson kag British tennis great Andy Murray.
Suno sa report, luyag ni Beckham nga kuhaon ang title nga “sir” kag ang asawa sini nga si Victoria nga anay miyembro sang Spice Girls nga pop group ang kilalahon bilang lady Beckham.
Naghampang si Beckham para sa England sa 115 ka beses kasubong man sa mga high-profile clubs lakip na ang Manchester United kag Real Madrid.
Na-appoint sadto si Beckham bilang officer sang Order of the British Empire sang 2003 kag sunod sini ang iya asawa nga si Victoria nakabaton man sang kaangay nga award bangod sa serbisyo sini sa fashion industry.
Siya ang official ambassador man sang The King’s Foundation nga nagasuporta sa education program kag madugay na nga ambassador sang UNICEF humalin pa sang 2005.
Ginlauman na nga makabaton sang knighthood si Beckham matapos sini ginbuligan ang London nga maghost sang 2012 Olympic games.
