Padayon nga ginamonitor sang Philippine Institute of Volcanology and Seismology (PHIVOLCS) ang aktibidad sang Bulkan Kanlaon.
Sa interview sang Bombo Radyo Bacolod kay Engineer Mari Andylene Quintia, resident volcanologist sang Kanlaon Volcano Observatory, sa nakaligad nga 24 oras may yara sang narecord ang Bulkan Kanlaon sang lima ka volcanic earthquakes kag may yara man sang sulfur dioxide emission nga nagdangat sa 3591 tones per day.
Suno diri ang plumes ang ginapalid sang hangin padulong sa nasidlangan kag ang kataason ang nagdangat sa 300 meters.
Samtang ang lawas sang bulkan ang padayon naman ang paghubag.
Ginpahayag man sini nga ang aktibidad sang Bulkan kaangay sang ash emissions ang nagapakita lamang nga may yara sang high activity sa sulod sini.
Samtang ang mga lahar flow sang nagligad nga Biyernes ang bangud sa pag-inulan kun sa diin naanod ang mga abo gikan sa baba sang bulkan.
Una naman nga ginpahayag ni Quintia nga sa tion nga magpadayon ang pag-ulan maubos man ang mga abo gikan sa baba sang Bulkan Kanlaon nga resulta sang ash emissions.
Dugang pa sini nga ang PHIVOLCS ang padayon lamang sang monitoring kag wala sang bisan sin-o ang nakahibalo kun san-o ini liwat magalupok.
