Wala pa sang identity ang isa ka lalaki nga nasapwan nga wala na sang kabuhi nga naga utaw-utaw sa baybayon nga sakop sang Barangay Taloc, Bago City, Negros Occidental kahapon sang aga.
Sa interview sang Bombo Radyo Bacolod kay Police Lt Col. Ariel Pico, officer-in-charge sang Bago City Police Station, nagpadulong ang katapo sang Philippine Coast Guard nga sakop ang area sang Bago City bangud may nagkadto sa ila nga pamilya nga may himata nga duha na ka adlaw nga nadula apang ang nasapwan ang indi amo sa ila ginapangita.
Suno diri, santo sa imbestigasyon wala sang pilas ang nasambit nga persona nga nasapwan nga wala na sang kabuhi.
Ang nasapwan ang wala na sang napang-idalom nga panapton kag ang nabilin nalang amo ang pang-ibabaw.
Santo sa paglantaw sang mga residente kun sa diin ini nasapwan masobra duha na kaadlaw ini nagapalutaw-lutaw sa dagat.
Suno sa hepe padayon ang ila nga pagpanawagan sa mga pumuluyo ilabi na ang may pamilya nga wala nakapauli nga makig-angot lang sa ila sa Bago City Police Station agud nga mabuligan sila nga matumod ang bangkay nga nagautaw-utaw sa baybayon sang Barangay Taloc, Bago City.
